Sunday, 22 June 2014

மகாபாரதமும் தாராபுரமும் தமிழரும்

மகாபாரதப் போர் உண்மை சம்பவங்களைக் கொண்டு புனைக்கப்பட்டக் கற்பனைக் கதை அல்லது கற்பனைக்கதையில் உண்மை நிகழ்வு இருக்குமென்றும்  பரவலாக ஏற்றுக்கொள்ளப்பட்ட கருத்து. அதில் கூடத் தமிழர்களைப் பற்றிய குறிப்புகள் உள்ளன. பாண்டிய மன்னர்களைப் பற்றிய குறிப்புகள் உள்ளன.

இதில் நம்மைப் பற்றிய குறிப்புகள் காலம் செல்லச் செல்ல அழிந்துவிட்டன. அதில் இதுவும் ஒன்று.
பாரதக் கதையில் வரும் மச்ச தேசமும் விராடமும் இன்று இராஜஸ்தானில் உள்ளதாகக் கூறுகின்றனர். அதற்கு எந்த ஆதாரமும் அவர்களிடம் இல்லை. ஆனால் அந்த விராட நகரம் இன்றைய திருப்பூர் மாவட்டத்தில் உள்ள தாராபுரம் ஆகும். இதன் பழைய பெயர் விராடபுரம். பின்னர் வஞ்சிபுரி என்று அழைக்கப்பட்டுக் கொங்குச் சோழர் காலத்தில் இராஜராஜபுரம் என்றானது. தற்பொழுது தாராபுரம் என்று பெயர் கொண்டுள்ளது. இது பெருமாள் கோவில் கல்வெட்டு கூறும் வரலாறு.

மேலும் தாராபுரம் தான் அந்த விராடம் என்பதற்கு மூன்று வலுவான சான்றுகள் உள்ளன.

ஒன்று மச்ச தேசம் என்பது மச்சக் கொடி (மீன் கொடி) உடைய பாண்டிய நாடு. எப்படி நாம் கிரேக்கர்களை யவணர்கள் என்று அழைத்தோமோ அது போல நம் மன்னர்களையும் பிற நாட்டு மக்கள் அவரவர் வழக்கில் அழைத்திருப்பர். தாரை அப்பொழுது பாண்டிய நாட்டின் ஒரு பகுதியாக இருந்திருக்கிறது.

தாரை கோட்டை மேட்டில் உள்ள பெருமாளின் பெயர் உத்தர வீர ராகவ பெருமாள். அமராவதி ஆறு வடக்கு நோக்கிப் பாயும் ஆறு. இவ்வகை ஆறுகளை உத்திரவாகினி என்று வடமொழியில் கூறுவர். பாரதத்தில் வரும் விராட மன்னனின் மகன் பெயர் உத்திரன், மகள் பெயர் உத்திரா, இவள் அபிமன்யுவை மணந்து கொண்டாள்.

முதலெழு வள்ளல்கள் பெயரில் விராடன் என்னும் மன்னன் பெயர் இருக்கிறது. நிச்சயம் அவன் தமிழ் மன்னனாகவே இருந்திருக்க வேண்டும்.

இவை போக இங்குள்ள கோவில்கள் மிகவும் பழமையானவை. இந்தக் கோவில் கல்வெட்டுகளும் இதனை உறுதி செய்கின்றன.

இது கற்பனைக்கதையாய் இருக்கும் பொருட்டும் அவர்கள் கற்பனை செய்வதற்கு தமிழகமும் தாரையும் அன்று உதவியாயிருந்துள்ளது.


























பி.கு. இது மகாபாரதத்தை உண்மையென்று நிறுவும் நோக்கில் எழுதப்படவில்லை.

4 comments:

  1. Aama! itha pathi naanum Kelvi pattu iruken! and Ippa Vijay TV la telecast aayitu iruka mahabaratham serial layum Virada Nagaram (Dharapuram) ah pathi solli irukaanga!

    ReplyDelete